وزیراعظم کریں گے آج صوبائی کابینہ کے اجلاس کی صدارت، پھر تبدیلیاں متوقع

وزیراعظم کریں گے آج صوبائی کابینہ کے اجلاس کی صدارت، پھر تبدیلیاں متوقع

باغی ٹی وی کی رپورٹ کے مطابق وزیراعظم عمران خان کا طیارہ پشاور ایئر پورٹ پرلینڈ کرگیا، وزیراعظم عمران خان آج رات گورنر ہاوَس کے پی میں قیام کریں گے,وزیراعظم آج پشاور میں خیبر پختو نخواہ کی صوبائی کابینہ اجلاس کی صدارت کریں گے ،وزیراعظم کو وزراکی کارکردگی سے متعلق آگاہ کیا جائے گا،وزیراعظم ترقیاتی منصوبوں پرپیشرفت کابھی جائزہ لیں گے

وزیراعظم صوبائی کابینہ میں ردوبدل کابھی فیصلہ کریں گے،وزراکے قلمدانوں میں ردوبدل کا فیصلہ کارکردگی کی بنیاد پرکیاجائے گا، وزیراعظم عمران خان وفاق اور پنجاب میں‌ کابینہ میں تبدیلیاں کر چکے ہیں اب خیبر پختونخواہ کی کابینہ کی باری ہے، کابینہ میں نئے وزیر بھی شامل کئے جانے کا امکان ہے جبکہ کچھ کے محکمے تبدیل کئے جائیں گے.

اسد عمر کو وزارت منصوبہ بندی کا قلمدان سونپ دیا گیا،صاحبزادہ محبوب سلطان کوسیفران کاوفاقی وزیربنا دیا گیا،خسرو بختیارکووفاقی وزیرنیشنل فوڈ سیکیورٹی کا قلمدان دے دیا گیا

سماجی رابطے کی ویب سائٹ ٹویٹر پر اسد عمر نے جاری پیغام میں کہا کہ ان تمام لوگوں کا جنہوں نے مبارکباد کے پیغامات بھیجے میں تہہ دل سے مشکور ہوں. کوشش بھرپور ہو گی. کامیابی کا فیصلہ اللہ تعالیٰ کرتے ہیں. لیکن میرے دل کی آواز کل بھی کہتی تھی اور آج بھی کہتی ہے…. بنے گا نیا پاکستان… انشاءاللہ

وفاقی وزیر سائنس و ٹیکنالوجی فواد چودھری نے اسد عمر کو دوبارہ کابینہ میں شمولیت پر مبارکباد دی ہے

وزیر اعظم عمران خان کہہ چکے تھے کہ اسد عمر دوبارہ کابینہ کا حصہ بن رہے ہیں ،ہم نے اپوزیشن پر کیسز نہیں بنائے ،

واضح رہے کہ اسد عمر نے وزارت خزانہ سے ایک پریس کانفرنس میں استعفیٰ دیا تھا، شیخ رشید نے بھی اس عمر کو ملاقات کر کے منانے کی کوشش کی تھی، اسد عمر کو عمران خان کا انتہائی قریبی دوست سمجھا جاتا ہے، وزارت سے استعفیٰ دینے پر عمران خان کی حکومت کو ناکام کہا جانے لگا تھا، اس کے بعد عمران خان نے کابینہ میں مزید تبدیلیاں کیں اور آئندہ بھی کرنے کا اعلان کیا.